Premier Ramathuba a Kombetela murhangeri wa masocha kuva anwi endlise swihoxo

Rocket live news yi vikile leswaku Premier wa xifundzhankulu xa Limpopo Dokodela Phophi Ramathuba, u hehla leswaku yena na mfumo wa xifundzhankulu va tsandzekisiwile ku ya enkosini wa mufi Derrick Maluleke eka Nhlaneki hi murhangeri wa masocha ya tiko General Rudzani Maphwanya.

Loko Ramathuba a basisa vito rakwe eka xiyanimoya xa vaaki xa Munghana Lonene fm u boxa leswaku loko masocha ya laha kaya ya khume mune(14)lava dlaweke kusuka etikweni ra Democratic Republic of Congo va tivisiwile, yena u tekile xiboho na mfumo wakwe wa Limpopo ku endzela mindyangu ya ntsevu ya masocha lawa ya kwala exifundzheninkulu.

Kambe Premier u tiyisisa leswaku u amukerile xileriso ku suka eka General wa mavuthu ya tiko leswaku a yima ku ya emindyanwini ku fikela loko a ta kuma xileriso xa ku endla tano kusuka eka hofisi ya murhangeri wa mavuthu.

Loko Ramathuba a angula u vula leswaku loko a ha rindzerile ku kuma xileriso , u hlamarile loko a vona swifaniso eka swiyenge swa mabulo(social media) swi komba leswaku nkosi wu vile kona wa veka socha ku nga mufi Derrick Maluleke kusuka ekaya ka yena emugangeni wa ka Nhlaneki ehandle ka doroba ra Giyani hi nsoto wa vhiki leri hundzeke.

Mapula Glashy Makoto