President wa le Zimbabwe a hakelela nwana Mugabe R600,000

Bellarmine Mugabe, n’wana wa mufi president wa tiko ra Zimbabwe Robert Mugabe, u kume mali ya fine yo ringana R600,000 ku suka ekhoto ya le Joni.

Leswi a swi ri hikokwalaho ko tlula milawu ya swibamu ni ya vuhlapfa.

Khazi wa yena, Tobias Matonhodze, u kume malembe manharhu ekhotsweni hikwalaho ko ringeta ku dlaya na swihehlo swin’wana.

Fine leyi yi hakeriwile hi president wa sweswi wa tiko ra Zimbabwe, Emmerson Mnangagwa, loyi na yena a vitaniwaka President ED.

Mugabe u vule leswaku u kombela ku rivaleriwa eka social media. “Ndzi kombela ku rivaleriwa eka President ED na maZimbabwe hi ku onha vito ra tatana na ndhuma ya tiko ra hina,” ku tsale yena.

“President ED u hakerile fine ya mina naswona u ndzi tsundzuxile leswaku ndzi nga ha swi endli. Ndzi tlhelela eZimbabwe namuntlha.”

Mhaka leyi yi sungurile endzhaku ka ku duvuriwa hi February laha ku vavisekeke wanuna.

Mugabe u fanele ku suka eAfrika-Dzonga hi ku hatlisa.

Vanhu lava nga eka X va ni mavonelo lama hambaneke—van’wana va kanakana hi ku hakeriwa loku, van’wana va kombisa nseketelo.

Hlaya nakambe:Mzansi Magic yi sungula drama leyintshwa ya Strings Attached

Ndzawulo ya vuyimeri bya tiko ra Zimbabwe a yi si vulavula.

Source:http://The Citizen