Prince Kaybee a susa mpfilumpfilu eka social media

Muhumelerisi wa vuyimbeleri bya laha Afrika- Dzonga Prince Kaybee u vange mpfilumpfilu eka social media.

U avelane swifaniso tiscreenshots ta marungula ya le xihundleni lama a ya huma eka wansati wa malembe ya 23 hi vukhale loyi a tihlanganiseke na yena eka X (Twitter).

Eka tichat, wansati loyi u kombele nomboro ya yena ya riqingho.

Prince Kaybee u vule leswaku ange swikoti ku nwi nyiketa hikwalaho ka ku hambana ka malembe ya vona.

Wansati loyi u ringetile hi matimba, kambe Prince Kaybee u arile.

U veke leswi leswaku a joyina mimbulavurisano leyikulu ya le ka Internet mayelana ni ku jola.

Vanhu va tala ku vula leswaku vavanuna lavakulu va hlongorisa vavasati lavatsongo, kambe Prince Kaybee u vule leswaku swi hambanile.

“Hey man, kahle kahle swi hambanile. I vafana va malembe ya 23 hi vukhale lava taka. Ndza tshemba leswi swa pfuna,” a tsala.

Vaseketeri a va ri ni mavonelo yo hambana-hambana.

Van’wana va n’wi bumabumerile hi ku veka mindzilakano leyi nga erivaleni.

Un’wana u te, “Va langutele leswaku vavanuna va ku e-e, kambe va nga avanyisi vanhwanyana hi ndlela leyi fanaka. Double standards!”

Un’wana u engeterile aku: “I mhaka ya kahle – van’wana va ta kahle kambe va nga onha vutomi bya wena.”

Hlaya nakambe:DJ Shimza a fikelela xiyimo lexikulu ematikweni mambe

Post leyi yi kombisa minjheka- njhekisano yo hisa mayelana na ku hambana ka malembe eka ku jola, ngopfu ngopfu eka vuhungasi.

Source:http://FakazaNews