Proteste Ya Namuntlha Yi Fambile Hi Ku Rhula

Proteste ya namuntlha yi fambile hi ku rhula eka tindhawu to tala ta Afrika-Dzonga.

Maphorisa ma vule leswaku a ku na swiendlakalo leswikulu swa madzolonga leswi nga vikiwile eka tindhawu to tala.

Vandhundzuluxi va nyikele maphepha ya swikombelo eka maphorisa eka tindhawu tin’wana.

Xana ku rhula loku ku ta ya emahlweni ku fikela emakumu ya proteste?

Mfumo wu tlhele wu kombela vaaki ku tirhisa mfanelo wa vona handle ko tlula nawu.

Eka swihangalasamahungu, van’wana va bumabumerile ndlela leyi proteste yi fambeke hi ku rhula.

Van’wana va vula leswaku swivilelo swa vaaki swi fanele ku yingiseriwa hi mfumo.

Van’wana va tlhela va lemukisa leswaku ku nga vi na ku hlaseriwa ka vanhu hikwalaho ka rixaka kumbe vutshamo bya vona.

HLAYA MAHUNGU: https://rivoniramahungu.co.za/nhlokomhaka-proteste-ya-namuntlha-yi-ta-tisa-swintshuxo-xana/

Mabindzu man’wana ma pfale swinkarhana hikwalaho ka ku chava madzolonga.

Mahlo ya tiko ma ha langutele leswi nga ta humelela loko proteste yi ya emahlweni.