Pule Ekstein a ya kombela ku rivaleriwa eka xipano xa Kaizer Chiefs

Pule Ekstein a ya kombela ku rivaleriwa eka xipano xa Kaizer Chiefs

Mutlangi wa le xikarhi wa AmaZulu Hendrick “Pule” Ekstein u kombele ku rivaleriwa eka xipano xa yena xa khale, Kaizer Chiefs.

Mutlangi loyi wa malembe ya 35 hi vukhale u endzele eNaturena ku ya kombela ku rivaleriwa eka mutshama-xitulu Kaizer Motaung.

U le ku tirheni kahle sweswi ehansi ka muzaberi Arthur Zwane wa xipano xa AmaZulu FC.

Ekstein u vule leswaku ku sukela Chiefs hi 2019 a swi hoxekile.

A a ri mitlangi loyi a rhandziwa hi vaseketeri eka xipano xa vantshwa.

Kambe kontiraka ya yena yi herile emahlweni ka masiku ya ku lahlekeriwa hi Nedbank Cup Final hi TS Galaxy.

A kuri mhaka ya mali, “A hi pfumelelananga hi tinhlayo. Ndzi ehlekete leswaku ndzi faneriwa hi swo tala,” u byele Radio 2000.

U tlhelele endzhaku a ya vula leswaku u kombela ku rivaleriwa.

“Ndlela leyi ndzi nga suka ha yona a yi nga ri kahle. Sweswi hi le ku rhuleni,” ku vula Ekstein.

U nkhensile Chiefs eka masungulo ya yena. U kunguhate leswaku u ta tshika ntirho a ri eka AmaZulu.