Rihanna a a katekisiwa hi nwana wa vunharhu

Nghwazi ya vuyimbeleri loyi a dumeke misava hinkwayo Rihanna u tivise hi ntsako ku velekiwa ka n’wana wa yena wa vunharhu.

N’wana wa nhwanyana loyi a vuriwaka Rocki Irish Mayers, loyi a velekiweke hi ti 13 ta Ndzhati 2025.

Muyimbeleri loyi wa malembe ya 37 hi vukhale u avelane mahungu yo tsakisa eka Instagram.

A veka xifaniso lexi khumbaka mbilu xa yena a tlakule n’wana wa yena loyi a ha ku velekiwaka.

Rihanna na murhandziwa wa yena, muyimbeleri wa rhep A$AP Rocky, lava sunguleke ku rhandzana hi 2020.

Va katekisiwile hi vana vambirhi va majaha—RZA, wa malembe manharhu, na Riot, wa malembe mambirhi.

Varhandzani lava va paluxe eku sunguleni ka lembe leri leswaku va langutele n’wana un’wana.

Va ri na ntshembo wa ku lava vamakwavo lava nga ekusuhi hi malembe loko va ri karhi va kula swin’we.

Xihlovo xin’wana xi byele magazini wa People leswaku Rihanna i khale a lava ndyangu lowukulu naswona u “tsakile swinene” hi ndzima leyi leyintshwa.

Rihanna na Rocky havambirhi va tsakile ku ndlandlamuxa ndyangu wa vona.

Va titwa va katekile naswona va tlangela ndzima leyintshwa ya vumanana.

Ku vikiwa leswaku Rihanna u dzike ngopfu eka vumanana.

Hakanyingi u tisa vana va yena eka maendzo ya ntirho naswona u tiphina hi nkarhi wun’wana na wun’wana na vona.

Xihlovo xi engeterile leswaku A$AP Rocky u seketela swinene Rihanna na riendzo ra vona ra vutswari.

Loko va ri swin’we, va endla xipano xo hlamarisa naswona ku vuriwa leswaku Rihanna u tsakile swinene.

Xiendlakalo lexi xa nkoka xi fungha nkarhi wo hlawuleka eka varhandzani lava.

Hlaya nakambe:Cassper a hehla muchayeri wa Uber Courier hi ku nwi yivela nyiko yo durha

Tanihi leswi va yaka emahlweni va ringanisela mintirho ya vona leyi lavaka matimba ni ndyangu lowu kulaka.

Source:http://IOL ENTERTAINMENT