SAPS yi khomile ku tlula 17 000 wa vaehleketeleriwa

Vukorhokeri bya maphorisa bya Afrika-Dzonga (South African Police Service).

Byi vula leswaku ku tlula 17 wa vaehleketeleriwa va khomiwile hi ku tirhisa Operation Shanela hi mahelo ya vhiki ya Paseka.

Maphorisa ya vula leswaku madzana ya khomiwile hikwalaho ka swidzidziharisi, byala na vugevenga bya madzolonga.

Muvulavuleri wa maphorisa ya tiko Athlenda Mathe u vula leswaku tindhawu to tala to xavisa byala leti nga riki enawini ti pfariwile etikweni.

Mathe u vula leswaku leyi a ku ri nhlayo ya le henhla ya ku khomiwa ka vhiki na vhiki loku rhekhodiweke eka tinhweti leti nga hundza.

“Nhlayo ya 541 wa tishebebeen leti nga riki enawini na titavern ti pfariwile hi maphorisa etikweni hinkwaro”.

“Vaehleketeleriwa va 7057 va kumiwe leswaku va xaviselana byala lebyi nga riki enawini na vona va khomiwile”.

“Va khome 144 eMpumalanga, eKZN va khome 270, eGauteng va khome 142”.

“Vachayeri va 1166 va khomiwile hikokwalaho ko chayela va nwile kumbe ku dzaha swidzidziharisi, votala va vona va khomiwe eMpumalanga”.

Source – SAPS