SAWS yi tsundzuxa hi ta swidzedze swa matimba

Vukorhokeri bya Maxelo bya laha Afrika-Dzonga (SAWS) byi mi tsundzuxa hi ta swidzedze swa matimba eka swiphemu swa swifundzha-nkulu swa le Free State na North West namuntlha.

Xitsundzuxo xa level 6 xa orange xi vula ku onhaka loku nga vaka kona emakaya, emagondzweni, ka timovha, na le mapurasini.

Nakambe ku nga ha va ni ku vaviseka ni swiphiqo swa ku famba.

Switsundzuxo swa Yellow level 2 swi katsa mpfula ya matimba evuxeni bya Free State, North West, na le kule en’walungu-vuxa bya Northern Cape.

Leswi swi nga ha vanga ndhambi etindhawini tin’wana.

E Western Cape, mimoya ya matimba yale ribuweni exikarhi ka Cape Point na Cape Agulhas yinga kavanyeta migingiriko yale ribuweni ra lwandle.

Leswi u nga swi langutelaka eGauteng: Ku ta va na mapapa no kufumela na swidzedze na ku dzindza ka tilo. Tshama u hlayisekile naswona papalata ku famba-famba loko swi koteka.

Swifundzha-nkulu swin’wana:

• Mpumalanga: Ku ta va na mapapa yo karhi, ku kufumela, na swidzedze swin’wana.

• Limpopo: Ku ta va na mapapa yo karhi, swidzedze leswi nga swoxe exikarhi na le vupeladyambu.

• North West na Free State: Swidzedze leswi nga ni mapapa, swo kufumela, leswi hangalakeke.

• Northern Cape: Ku ta va na mapapa yo karhi, swidzedze evuxeni.

• Western Cape: Ku na mapapa evupela dyambu, ku kufumela kuya eka xirhami.

• Eastern Cape: Yi kahle swinene evupela dyambu, swidzedze evuxeni.

• KwaZulu-Natal: Swidzedze leswi nga ni mapapa, leswi nga swoxe.

Hlaya nakambe:Mphikizano wa Miss South wa 2026 wu pfurile

UVB index yi le henhla – tirhisa swisirhelelo swa dyambu. Languta swintshuxo swa SAWS swa ndhawu ya ka n’wina.

Source:http://The Citizen