Sbahle a boxa xivangelo xo hambana na Itumemeng Khune

Muhlohloteri na nhenha ya reality TV Sbahle Mpisane u vulavule hi vuxaka bya yena bya khale.

Na murindzi wa bolo wa xipano xa rixaka xa Bafana Bafana Itumemeng Khune, leswi paluxaka swivangelo swa ku hambana ka vona.

Eka ku humelela ka yena ka sweswinyana eka podcast ya Engineer Your Life.

Sbahle u avelane ndlela leyi mhangu ya movha leyi laveke na ku nwi dlaya na vuyelo bya yona swi khumbeke rirhandzu ra vona ha yona.

U vule leswaku Khune u n’wi seketela swinene hi nkarhi wa ku hola ka yena, a n’wi bela riqingho siku na siku loko a ha ri exibedlhele.

Kambe hikwalaho ka ku rivala loku vangiweke hi mhangu leyi, u rivarile xivangelo lexi nwi endleke leswaku anwi rhandzela yini.

Naswona u boheke ku endla onge u lahlekeriwa hi ku tsundzuka leswaku a ta tshika vuxaka lebyi.

Sbahle u tlhele a boxa mpfhuka tani hi xivangelo eka ku hambana ka vona.

Tani hi leswi Khune a tshama eJoni loko yena a ha tshama eDurban.

U hlamuserile, “Ndzi lava munhu loyi a nga ta angarha a ndzi tswontswa. A ndzi lava swo tala eka yena, kambe a a nga ri kona.”

U engeterile leswaku u navelela Khune leswinene eku kumeni ka munhu wo sungula ndyangu na yena, tani hi leswi a nga ri ki na nkarhi wo tika.

Hambileswi ku hambana ka vona ka swa marhandzu a ku nga ri ni mpfilumpfilu.

Sbahle u pfumerile leswaku u titwe a hlundzukile hi ku pona eka mhangu leyi, leswi swi kuceteleke xiboho xa yena.

Khune ku sukela kwalaho u hundzele emahlweni, a teka nsati a tlhela a sungula ni ndyangu lowuntshwa.