Sbahle Mpisane a vula xivangelo xo endla vuhandzuri byo tisasekisa

Sbahle Mpisane u vulavule erivaleni hi leswaku hikokwalaho ka yini a hlawurile vuhandzuri byo sasekisa.

Eka mbulavurisano na Thembuluwo ‘Owamie’ Netshivhazwaulu, u vule leswaku ku tiringanisa na vavasati van’wana.

Eka social media swi n’wi endla a titwa ingaku miri wa yena wu bihile.

Sbahle u titwe a nga sirhelelekang endzhaku ko vona van’wana eka inthanete ni ku hlaya ticomment to biha.

U te: “Ndzi vone vanhu van’wana kutani ndzi ehleketa, ‘ Xikwembu xanga, loko wa mina a wu ri lonene swonghasi.’”

Hambileswi a hlayisaka vutomi bya yena byi va bya le xihundleni, vanhu va le ka Internet va ha sola ndlela leyi a langutekaka ha yona.

U endliwe vuhandzuri byo engetela mavele eTurkey, ndhawu leyi dumeke eka vanhu lava dumeke.

Leswi a nga swiendli ro sungula. Hi 2018, mhangu yo biha ya movha yi n’wi vavise nhompfu.

Endzhakunyana u endliwe vuhandzuri bya rhinoplasty leswaku a yi lunghisa.

Ni ku endla leswaku nasal bridge ya nhompfu ya yena yi va ehenhla, ku fana ni le ku sunguleni.

Xitori xa yena xi vangile minjheka-njhekisano mayelana na swipimelo swa vuxisi swa ku saseka eka swihangalasamahungu swa le ka social media.