Shebeshxt a tsoniwa beyili nakambe ekhoto

Muyimbeleri le Limpopo Lehlogonolo Katlego Chauke, loyi a tivekaka hi vito ra Shebeshxt.

U hluriwile eka xikombelo xa yena xa sweswinyana xa beyili ekhoto ya majistarata ya Polokwane namuntlha.

Muyimbeleri loyi wa malembe ya 30 hi vukhale u kombele ku ntshunxiwa hi ku ya hi “timhaka letintshwa,” ku fana na xiyimo xa yena xa rihanyo.

Kambe Majistarata Godfrey Netshiozwi u vule leswaku timhaka ta rihanyo a tina kinga hi laha ku ringaneleke.

Majistarata u xiye leswaku Shebeshxt a nga si tshama a vilela eka vatirhela-mfumo va khotso hi ku vava loku a ku twaku.

Tirhekhodo ta le khotsweni ti kombisa leswaku a ku na swikombelo swa mpfuneto wa swa vutshunguri ku sukela loko a pfaleriwile.

Netshiozwi u tlhele a kombisa leswaku Shebeshxt u khomiwile na swilo leswi yirisiweke exitokisini xa yena.

“Munhu a nga langutela a twa ku vava lokukulu,” ku vula yena. “Hambi swi ri tano u endle milandzu yin’wana.”

Huvo yi vule leswaku a ku na timhaka letintshwa ta xiviri leti nga cincaka xiboho xa le mahlweni. Shebeshxt u ta tshama a ri ekhotsweni.