Siyabonga Shibe a hlangana na swiphiqo swa timali

Mutlangi wa Umlazi Siyabonga Shibe u vonaka a hlangana na swiphiqo swa timali. Hi Nyenyankulu, Zimoja yi vikile leswaku mutlangi loyi u tshembise mune wa swichudeni swa tifilimi leswaku swi ta dyondza eXikolweni xa Tifilimi xa ndhuma xa Joburg, AFDA. Anga kalanga a hetisisa xitshembiso xa yena naswona swichudeni swi boheke ku tshika xikolo kasi swin’wana swi fanele ku endla xikombelo xa tibasari tin’wana leswaku swi ta yisa tidyondzo ta swona emahlweni.

Ekarhini lowu ku hehliwa leswaku u xisile 25 wa swichudeni swa tifilimi leswaku u ta va kumela mintirho eka TV, swinavetiso na filimi ntsena loko vo tsarisa eka vuhumelerisi bya yena eka titlilasi to tlanga mitlangu. Loko u lava kuva eka xiphemu xa yena xa The Dream up u fanele ku hakela kwalomu ka R10 000 – R20 0000 leswaku uta kuma swiphemu leswikulu eka TV naswona u ta kombisiwa eka swinavetiso swa mavito lamakulu.

Vanwana va swichudeni va vulavule na Zimoja kambe vati tumbete mavito ku papalata ku va vativiwa nova enghozini. Va vule leswaku vona va hakerile mali yo hundza R20 000 hikwalaho ka switshembiso swa Siyabonga swa leswaku va ta ya tirhela khamphani ya yena ya vuhumelerisi loko va hetile tidyondzo tavona. “Vatswari va mina va teke mali ya vona hinkwayu yo hetelelela va ri ni ntshembo wa leswaku loko ndzi heta ndzi ta kuma ntirho “ lexi I xirilo xa unwana wa muchudeni.

Shibe u tshembisile swichudeni leswi tidyondzo ta swilo hinkwaswu leswi fambelanaka na TV, a tlhela a hehliwa hi nandzu wo nyamalala emoyeni no baleka na mali yo ringana R125 00 leyi hakeriweke hi swichudeni leswi swa ha sunguluka tani hi vatlangi. “Hi yava byela yini vatswari va hina hikuva vunyingi bya hina hi huma emindyangwini leyi pfumalaka naswona ahiri naku tshemba leswaku loko hi heta hita kuma mintirho hita kota ku hluvukisa mindyangu ya hina?” ku vutisa xichudeni.

Zimoja a nga paluxa leswaku Shibe loyi a tlangaka xiphemu xo rhanga eka Mzansi Wethu Telenovela, Sibongile & The Dlaminis tlhelo muhumulerisi wa Dream Up leyi katsaka titlilasi ta mitlangu anga si tshama a yisa mutlangi na unwe eka vuhumelerisi byihi na byihi. Nakona anga se tshama a nghena nale tlilasini na yinwe eka mihlangano yihi na yihi,” Ahi si tshama hi nwi vona hi nyama ku sukela hi 2022, mi nkarhi hinkwayo ahi nyikiwa switori swa ku u khomekile, kambe loko swita ko teka mali anga khomeki” ku engetela xichudeni. Machudeni ya koxa mali ya vona, “A nga khomi tiqingho ta hina kumbe ku vuya eka hina yena itshama anga kumeki, vanwan va hina hi nwi rhumele tiSMS kambe anga hlamuli, hi tekeriwe mali ya hina eka munhu loyi ahinwi tshembile”

Vanhu va ndhuma vange swi twi leswi hina hiswi twaku ku vula xichudeni xinwana. Mutlangi loyi u arile ku vulavula hi mhaka leyi, mufambisi wa yen na nwana yena wa nhwanyana Nomthandazo Ngcobo va vule leswaku swivilelo swa hina va switiva kambe akuna lexi vanga ta endla hikuva tatana anga kona “Ndza yitwa mhaka leyi, swichudeni swi ndzi fonerile – ndzi tlhele ndzi swi byela leswaku aku na lexi ndzi ngata xiendla tani hiloko ndzi yimerile tatana leswaku a vuya ata lungisa xiyimo lexi” ku vula nwana wa yena wa nhwanyana.