Sophie Ndaba a khensa tintswalo ta Xikwembu endzhaku ka loko a horile xirhendze

Hi Mapula Glashy Makoto

N’wamabindzu wa xisati xikan’we munhu wa swa mahungu Sophie Ndaba u vule leswaku wa nkhensa kuva aha hanya endzhaku ka loko a sulekile xirhendze emutini wa yena.

U avelane mahungu eka akhawunti ya yena ya Instagram hi Sonto, a vula leswaku ‘Xikwembu xi pfumelele’ swilo swo karhi swi humelela evuton’wini bya yena.

Khale ka nhenha ya Generations u vule leswaku u rhetile a tlhela a vaviseka exirhendzeni xa yena loko a ri karhi a ambala.

‘Ndzi pfuke exibedlhele, Minete yin’we, ndzi famba, naswona minete yinwana, ndzi tshovekile xirhendze. Ndzi lava ku mi tsundzuxa leswaku swidzedze swin’wana a swi kona ku ku tshova. Ndzi ehleketa leswaku swidzedze swin’wana swi kona ku ku hunguta rivilo. Swidzedze swin’wana swi kona ku ku lulamisa,’ Sophie u vule tano.

U vule leswaku swilo aswi tava swi bihe ku hundzisisa. ‘Loko ndzi languta endlelo ra vuhandzuri, endlelo ro veka swilo swa nsimbi eka xirhendze xa mina, na endlelo ra semende na hinkwaswu leswi nga tisiwa eka mina, ndzi xiye leswaku vutomi i ndlela leyo leha.’

‘ Ndzi endle xiboho xo yi amukela hikuva loko ndzi languta laha ndzi humaka kona ndziri, Hosi leyi rhandzekaka, xana xirhendze lexi tshovekeke i yini? Ndza ha ri na swo tala swo swi nkhensa, kutani ndzi lava ku teka nkarhi lowu ndzi nkhensa Xikwembu eka swiyimo hinkwaswu leswi ndzi hlanganeke naswona’ Sophie a tiyisisa mhaka leyi.