Swilo hinkwaswu swi tlhelele evuntshanwini eka Malamulele
Mabindzu hinkwawo ya vuyile eka mintolovelo eka Malamulele.
Endzhaku ka ku kombisa ku vilela loku vangiweke hi rifu ro vava ra Xilaveko Khosa wa malembe ya 20 hi vukhale.
Na ku hehliwa ka ku pfinyiwa ka sesi wa yena wa malembe ya 17 hi vukhale laha vahlaseriweke hi ndlela ya tihanyi ekaya eka Malamulele B2.
Ku kombisa ku vilela loku ku endle leswaku ku rhumeriwa mimemorandamu eka valawuri.
Laha wu nga amukeriwa kahle hi Lieutenant General Thembi Hadebe, Khomixinara wa Maphorisa wa Xifundzhankulu.
Minhlangano leyi khomiweke na vakhomaxiave hi Ravunharhu na hi Ravumune yi pfule ndlela ya ku tlherisela kurhula endhawini leyi.
General Hadebe u tiyisisile vaaki leswaku timhaka leti tlakusiweke eka memorandamu ti ta lulamisiwa hi ku hatlisa hilaha swi nga kotekaka hakona.
U endle xikombelo eka vaaki ku nyika maphorisa nkarhi waku endla masungulo lama lavekaka ku endla leswaku xiyimo xi va lexi tolovelekeke.
Kuya hi swiviko, vaaki va pfumerile ku yimisa ku kombisa ku vilela endzhaku ka loko vaehleketeleriwa va khomiwile.
Goza ra xihatla hi valawuri va nawu ri tisile mpimo wo karhi wa ku ntshunxeka eka vaaki.
Hlaya nakambe: Mhangu leyi humeleleke eThaba Tshwane
Source :Giyani View
