Thatohatsi a khomiwa hi vuvabyi bya xitshuketani

Thatohatsi u kombela ku rivaleriwa endzhaku ko lahlekeriwa hi tigig.

Eka mahelo ya vhiki hikokwalaho ka mavabyi ya xitshuketani.

Muyimbeleri wa Amapiano wa laha Afrika Dzonga Thatohatsi, loyi hi vito ra yena ra xiviri ku nga Thato Raphadi.

U kombele ku rivaleriwa eka vaseketeri va yena na vaendli va tigig.

Endzhaku ka ku hundziwa hi tigig to hlaya leti a ti endliwile eka mahelo ya vhiki lama hundzeke.

Ti gig leti nga hundza ti katsa ntirho wa Red Bull Symphonic lowu awu languteriwile swinene hi ti 07 ta Khotavuxika.

Xikan’we na show leyi ayi ri Market@theSheds na Drama ya le Hatfield ePitori.

Thatohatsi u paluxe leswaku vuvabyi bya xitshuketana byi n’wi endle a lahlekeriwa hi rito swa xinkarhana.

Leswi endleke leswaku a nga koti ku yimbelela, eka xitatimende lexi humaka embilwini, u te.

“Mina, Thatohatsi, ndza tisola ku mi tivisa leswaku hikwalaho ka vuvabyi lebyi ndzi nga byi langutelangiki”.

“Ndzi lahlekeriwe hi rito swa xinkarhana naswona a ndzi swi kotanga ku ta tlanga”.

“Eka Red Bull Symphonic, Market@theSheds, na Drama ya le Hatfield PTA.”

U kombisile ku tisola lokukulu hikuva a khomise vaseketeri va yena tingana na lava a va katseka eka mintirho leyi.

A khensa un’wana na un’wana ku va a twisise xiyimo xa yena.

Thatohatsi u tiyisisile eka vaseketeri va yena leswaku a ti yimiserile.

Kambe u khomeletiwe hi xiyimo lexi a hlanganeke naxona, u kumile ku xiximiwa lokukulu.

Endzhaku ka loko single ya yena ya “Xolele” yi hangalakile eka TikTok.

Kusukela kwalano, u tshama ari karhi a aka ndhuma ya yena tani hi un’wana wa marito.

Ya vantshwa lawa ya tshembisaka swinene eka muxaka wa Amapiano.

Vaseketeri na vanhu lava nga endzeni ka industry hi ku fanana va navelela Thatohatsi leswaku a hola hi ku hatlisa.

Source: IOL Entertainment