Transnet yi humesa profit ro sungula endzhaku ka mune wa malembe

Transnet yi humesile profit ya R4.6 billion eka lembe ra swa timali leri heleke hi March 2026.

I profit yo sungula leyi khampani leyi yi yi kumeke endzhaku ka mune wa malembe.

Lembe leri nga hundza, Transnet yi lahlekeriwe hi R1.9 billion.

Nhlangano lowu wu tlhele wu vika leswaku mali leyi wu yi kumeke yi tlakukile hi 7.1%.

Revenue ya yona yi fikelele R88.6 billion eka lembe leri.

Ku tlakuka loku ku seketeriwe hi ku antswa ka vuhumelerisi bya rail na pipeline.

Transnet yi rhwale 167.9 million wa tithani ta nhundzu hi rail.

Hambiswiritano, nhlayo leyi ya ha ri ehansi ka xikongomelo xa 180 million wa tithani.

Profit leyi yi tlhela yi fambisana na ntwanano wa Transnet na khampani ya le Philippines, ICTSI.

Ntwanano lowu wu humesele Transnet profit ya R12.5 billion.

Hambiswiritano, Transnet ya ha ri na xikweleti lexikulu xa R150.7 billion.

Khampani yi kunguhata ku tirhisa R129.1 billion eka nhluvukiso wa switirhisiwa eka ntlhanu wa malembe lama taka.

Transnet yi tlhela yi langutela leswaku vafambisi va xihundla va ta sungula ku tirhisa network ya rail hi 2027.

Va ta pfuna ku tlakusa nhundzu leyi rhwariwaka hi rail.