Vaehleketeleriwa vakhomiwa eka nandzu wo dlaya
Ku vikiwile leswaku vaehleketeleriwa vanharhu va khomiwile eka nandzu wa ku dlaya, Xilaveko Khosa wa malembe ya 20 hi vukhale.
Loyi a a hlaseriweke hi ndlela ya tihanyi ekaya ka yena ka Malamulele B2.
Swikalamavito swiri, vaehleketeleriwa lava dlayeke Xilaveko Khosa i vaaki vakwala Afrika-Dzonga na unwe wale Zimbabwe.
Hambi leswi maphorisa yaka Malamulele ya nga se tiyisisaka ku khomiwa ka vanhu lava, mahungu lawa ya hlamarise vaaka tiko.
Vaaki va sungule ku kombisa ku vilela, loku sunguleke hi Ravunharhu.
ku funghiwe hi madzolonga ya ku vengiwa ka vahlapfa, laha vaaki va tiko ra Zimbabwe a va kongomisiwa hi mintshungu leyi hlundzukeke.
Xiyimo xaka Malamulele xi tshama xi ri na ntshikelelo, laha vaaki vo tala va tshamaka endzeni ka tiyindlu naswona swikolo swin’wana na switolo swi pfariwile.
Valawuri va le ku tirheni ku vuyisela ku rhula na ku va na ntolovelo eka ndhawu leyi.
Laha maphorisa ya hlayisaka vukona lebyi vonakaka na matshalatshala lama yaka emahlweni ku lulamisa timhaka leti.
Loko vulavisisi bya ku dlayiwa ka Khosa byi ya emahlweni, vaaki va tshama va xalamukile swinene.
Va rindzele ku tiyisisiwa ka ku khomiwa na ku ya emahlweni eka nandzu lowu.
Ku laveka ka vululami na vuhlayiseki a swi nge miyetiwi, naswona vanhu vaka Malamulele va ta ya emahlweni va susumeta vutihlamuleri.
Niku herisa mpimo wa vugevenga lowu yaka emahlweni eka ndhawu leyi.
Hlaya nakambe:Vaaki vaka Malamulele va kombisa ku vilela
Source -Giyani View
