Vatlangi va nongonoko wa Pimville a va hakeriwanga miholo ya vona

South African Broadcasting Corporation (SABC) yi le khombyeni nakambe.

Vatirhi lava va nga eka nongonoko wa yona lowuntshwa wa TV wa Pimville va vula leswaku a va hakeriwanga mali.

Pimville i telenovela ya swiphemu swa 300 leyi endliweke hi Bakwena Productions.

Yi sive xitori xa Muvhango, lexi naxona xi ri na swiphiqo swa ku hakela ka timali.

Vatlangi va vula leswaku a va si kuma mali ku sukela hi nhweti ya Nyenyenyani (February) 2026.

Naswona n’hweti ha Dzivamisoko yi fikile, kambe vo tala va ha yimele mali.

Mutlangi un’wana la rhangelaka u tshikile ku teka tifilimi kukondza a hakeriwa ya yena.

Kasi van’wana va yile emahlweni va tirha hambileswi a va nga hakeriwi.

“Vona va hanya vutomi bya le henhla loko hina hi nga swi koti na ku xava mathikithi ya mabazi,” ku vula mutlangi un’wana.

Vatirhi va tlhela va vula leswaku a va nyikiwanga na mali ya transport kumbe ya swakudya swa kahle.

Van’wana a va tikhandziyisa hi timali ta vona leswaku va ta tlanga naswona swakudya swoka swingari kahle swi endla leswaku vanhu va vabya.

Leswi a hi swintshwa eka Bakwena, show ya vona ya Pound 4 Pound na yona a yi ri na vatirhi lava voka va nga hakeriwanga.

Minkanerisano yi ye ekhoto ya CCMA. Mutshamaxitulu wa SABC Nomsa Chabeli u tshembisile ticheke to antswa hi lembe ra 2025.

Naswona sweswi vatirhi va lava tinhlamulo eka vona.