Vavanuna vambirhi vakhomiwa endzhaku ko duvula Fuego

Vavanuna vambirhi lava hehliwaka hi ku duvula no dlaya muyimbeleri wa Lekompo Adifele Lastborn Maimela.

Loyi a tivekaka hi vito ra Fuego, va humelerile ekhoto ya majisitarata ya Polokwane hi Ravumune, hiti 09 ta April 2026.

Vaehleketeleriwa, Masheleng July Mashishi na Karabo Kgoroshi Lucas Mothiba, va langutane na swihehlo swo dlaya.

Ku duvuriwa loku ku humelerile hi Ravumbirhi hi ti 07 ta April ePolokwane.

Maphorisa ya vula leswaku swi sungule tani hi ku holovela wansati mayelana endlwini ya le xitarateni xa Magazyn, laha Fuego a tshama na ntombhi ya yena.

Nyimpi yi ye yi kula, naswona muehleketeleriwa un’wana u duvule Fuego hi xibamu.

Endzhaku ka ku duvuriwa, vavanuna lava vayile exitichini xa maphorisa xa Polokwane.

Va vula leswaku va duvule vanhu lava hikuva a va ehleketaka leswaku kidnap wansati.

Kambe swiviko swa le xibedlhele swa muhlaseriwa loyi a duvuriweke hi xibamu swi endle leswaku va khomiwa.

Vatshamile ekhotsweni masiku yo ringana nhungu naswona va ta vuya hi ti 16 ta April ku ya kombela beyili.

Vaseketeri, vayimbeleri, na vandla ra Limpopo Artists Movement (LAM) va tile ekhoto ku ta seketela ndyangu wa ka Fuego.

Murhangeri wa LAM Mphoza Mashabela u te, “Ha tsaka leswaku a va kumanga beyili. Swi pfuna hina hinga eku hi rileni.”

Hlaya nakambe:Miss South Africa yi va ni makungu lamakulu lembe leri

Maphorisa ya ha endla vulavisisi eka mhangu leyi.