Vhidiyo ya Luthuli Dlamini yi susa drama eka Social Media

Vhidiyo ya mutlangi wa switori wa laha Afrika-Dzonga Luthuli Dlamini a ri karhi a famba.

A suka exitolo xa Shoprite yi hangalakile eka swihangalasa-mahungu swa le ka social media.

Eka clip leyi, vaseketeri ava nwi xeweta va ri emovheni laha anga va yimisela mavoko a tlhelela a khome na nkwama wa pulasitiki, a dya mazimba ta tilays.

Va n’wi nyikile na swakunwa, leswi a nga swi nwa a nga si famba.

Vhidiyo leyi yi avanyise vatirhisi va inthanete. Van’wana va vilerisiwa hi nhenha leyi humaka eka minongonoko yo fana na Scandal!, Generations, The Road, na Coconuts.

Mutirhisi un’wana wa ka X (Twitter) u vutisile, “I mani loyi a hlayisaka vatlangi va hina va khale?”.

“Ndhuma ya nyenyetsa, tshikani wanuna a hanya hi ku rhula” ku tsale Thandubuntu eka twitter.

Kambe van’wana va n’wi sirhelela. “U languteka a tsakile naswona a enerisekile. I yini lexi hoxeke hi ku famba hi milenge u ya emavhengeleni?” ku postile Patriotic Motso.

Lembe leri nga hundza, Dlamini u kanete mahungu ya ku u pfumala ekaya. “A ndzi pfumali kaya. Ndzi tshama endhawini yo saseka eDurban leyi nga na dyambu ro tala,” ku vula yena.

Hlaya nakambe:Mthokozisi Dube a tlunyiwa tihlo

Xiphemu lexi xi kombisa ndlela leyi ndhuma yi landzelaka tinhenha ha yona hinkwako-nkwako, hambi ku ri eka mintirho ya vona yo olova.

Source:http://Bona.co.za