Xana Chiefs yi nga hlula Sekhukhune United hi Sonto?

Kaizer Chiefs yinga herisa ntshembo wa xipano xa Sekhukhune United eka CAF Confederation Cup ya nguva leyi taka.

Swipano leswi swi ta tlanga hi Sonto erivaleni ra mintlangu ra Peter Mokaba ePolokwane.

Chiefs yi le ka xiyimo xa vunharhu eka tafula ra Betway Premiership.

Va rhangela xipano xa Sekhukhune lexi nga eka xiyimo xa vuntlhanu hi tinhla ta ntsevu.

Ku sale mintlangu yinharhu ntsena naswona ku hlula ka Chiefs swi nga endla leswaku Sekhukhune yi tsandzeka ku va khoma hi tinhla.

AmaZulu yi le ka xiyimo xa vumune, yi le ndzhaku ka Chiefs hi tinhla ta ntlhanu. Va ta tlanga na Orbit College hi Mugqivela.

Chiefs na AmaZulu havumbirhi bya vona va tlangile hi ku ringana hi 1-1 vhiki leri nga hundza.

Chiefs yi khomile xipano xa le henhla xa Mamelodi Sundowns kasi AmaZulu yi tlangile hi ku ringana na Golden Arrows.

Sekhukhune yi hlule Chippa United hi 3-1 sweswinyana. A ku ri ro sungula va nghenisa magoza manharhu eka ntlangu wa ligi ku sukela loko va hlule Chiefs hi 3-1 hi Ndzhati lembe leri nga hundza.

Chiefs yi ta pfumala Mduduzi Shabalala hikokwalaho ka ku vaviseka na Siphesihle Ndlovu loyi a yimisiwile.

Bradly Grobler wa Sekhukhune u vavisekile kambe u na 8 wa magoza eka nguva leyi.

Hlaya nakambe:Vaseketeri va Chiefs va tsakela ku zaberiwa hi Mngqithi

Eka mintlangu ya Premiership leyi hundzeke, Chiefs yi hlule ka mune, Sekhukhune yi hlule kanharhu, naswona swipano leswi ha vumbirhi bya swona swi tlangile hi ku ringana.

Source:http://The Citizen