AmaZulu yi langutana na Sekhukhune tolo nimadyambu

Xipano xa AmaZulu xi rhurhela Sekhukhune United erivaleni ra mintlangu ra Princess Magogo hi tolo nimadyambu eka ntlangu wa Betway Premiership.

Swipano leswi haswimbirhi swi lava ndhawu eka Khapu ya CAF Confederation.

AmaZulu yi tshame eka xiyimo xa vunharhu eka tafula ra ligi.

Va tlangile kan’we hi ku ringana naswona va hlule eka mintlangu ya vona yimbirhi yo hetelela ya ligi loko FIFA yi nga si wisa.

Va tshemba leswaku va ta hlayisa xivumbeko xa vona lexinene xi ya emahlweni.

Sekhukhune, leyi vitaniwaka Babina Noko, yi le ka xiyimo xa vuntsevu eka tafula ligi.

A yi si hlula eka mintlangu ya mune ya ligi, ku hlula swi nga va yisa eka xiyimo xa vunharhu, va ringana na AmaZulu kambe hi ku hambana ka magoza yo antswa.

Swipano leswi swi tlangile ka nkaye eka ligi ya le henhla.

Xipano xa xin’wana na xin’wana xi hlule kanharhu, xitlhela xi tlanga hi ku ringana kanharhu.

Nhlangano wa vona wo hetelela wu hele hi 1-1 hi August lembe leri nga hundza.

Muzaberi wa xipano xa AmaZulu Arthur Zwane anga swj kotanga ku hlula muzaberi wa Sekhukhune Eric Tinkler eka mintlangu ya ligi.

Tinkler u hlule kambirhi na xipano xa Cape Town City, naswona va tlangile hi ku ringana eka nguva leyi.

Hlaya nakambe:Shauwn Mkhize a vuya eka social media ata tlangela siku ra yena

Swipano leswi haswimbirhi swi tlangile eka 22 wa mintlangu.

Source:http://Soccer Betting News