Cassper na nsati va tlangela siku ravona

Xiyimbeleri xa ndhuma, Cassper Nyovest na nsati wa yena Pulane va tlangele siku ra vona ra vukati hi Sonto.

Vatekani lava vambirhi va khomile lembe hiti 04 ta Dzivamisoko eka mucato lowu. Laha Cassper a nga swi vekela eka Instagram hi Sonto ku anakanyisisa hi riendzo ra vona ra rirhandzu.

“A ndzi tshembi leswaku ndzi khomile lembe ndzi tekile munhu wa mina. Ngwanyana wa motswana wa sematsatsa (nhwanyana wa mina wo saseka wa Motswana). Keago Rata Saan (Ndza ku rhandza).

“Ndzi vile wanuna loyi a tsakeke swinene siku leri u pfumeleke ku va nsati wa mina, naswona a ndzi nge pfuki ndzi rivarile leswaku i lunghelo rihi leri u ndzi nyikeke ha rona”.

‘U tekile xiboho xa ku hlawula ku ndzi nyika nkarhi, ndza tshemba leswaku a wu nge pfuki u tisorile. Ndzi tshemba leswaku ndzi ta ku tisela ntsako wa siku na siku ku kondza Hosi yi ndzi teka.”

“A ndzi tivi leswaku rirhandzu ra ntiyiso i yini na leswaku ri fanele ri languteka njhani, kambe nchumu wun’we lowu ndzi tiyisekaka swinene hi wona hi leswaku ndzi kunguhata ku ka ndzi nga humi eka mucato lowu.”

“Kumbe ku vitana unwana wansati leswaku i nsati wa mina, ndzi lava ku va eka vukati lebyi hi laha kunga heriki, Happy One Year Anniversary Babe.” ku tsarile Cassper.

Source -Instagram
Translator -Mapula Glashy Makoto