Donald Trump u baleseriwile ari ku vulavuleni na va landzeri va vandla ra yena.

Khale ka murhangeri wa tiko ra Amerika Donald Trump u baleseriwile endleveni endzhaku ka loko a yime emahlweni ka valendzeri va tiko ra vandla ra yena ra Republican Party. Trump a ri eka nhlangano wa vandla wo phikizanela vurhangeri bya tiko ra Amerika e Pennyslyvia endzhaku ka loko xibalesa lexi a xi kongome e ka yena xi nga n’wi duvula hi le thlelo ra xinene ra nhloko.

Trump u ti komba a nga vavisekangi enzdhaku ka mhangu leyi yi n’wi endlakaleke. A ku tekanga nkarhi leswaku vasirheleli va Trump va n’wi tsutsumela ku n’wi sirhelela eka swi’nwana swibalesa. Tani hi Secret Service ya le Amerika yi tiyisisa mhaka ya ku Trump u ti komba a lulamile a thlela a hlayiseka. Secret Service ya Amerika yi tatisa na leswaku “Lebyi i vulavisisi bya Secret Service na swona mahungu ya ta tivisiwa loko ku ri na vutivi byo karhi”

Endzhaku ka swibalesa leswi, Trump u yimisile xibakela a huwelela valendzeri va kwe leswaku va nga heli matimba a ku “Fight, fight, fight”. Vanhu vambirhi va hundze emisaveni eka nhlangani lowu, un’we wa vona imubaleseri wa xibamu na un’wana a ri eka nhlangano tani hi mulandzeri.

Murhangeri wa tiko ra Amerika Joe Biden u kombile leswaku u tivisiwile hi mhaka leyi yi endlekeke na swona u navelela Trump ku hola hi xi hatla. Varhangeri van’wana va tiko na vona va ti kombile va twisiwa ku vava hi leswi swi endlekeke na swona va navelela Trump ku a lulama hi xi hatla.