Brandon Petersen a tlhelela erivaleni ra mintlangu hiku copeta ka tihlo

Brandon Petersen a tlhelela erivaleni ra mintlangu hiku copeta ka tihlo

Muzaberi-kulobye wa xipano xa Kaizer Chiefs Khalil Ben Youssef u khomele vaseketeri mahungu yo tsokombela.

Murindzi wa bolo wa xipano xa Amakhosi, Brandon Petersen u ta tlhelela erivaleni ra mintlangu ku nga ri khale.

Petersen u sungurile nguva hi matimba, a hlayisa 11 wa ticlean sheets eka 16 wa mintlangu ya ligi.

Kambe u vavisekile emahlweni ka ntlangu wa Soweto Derby loko va hlangana na Orlando Pirates hi February.

Chiefs yi hluriwile eka ntlangu wolowo na yin’wana ya mune a ngari kona.

Sweswi, xipano xi vuyile hi ku hlula kanharhu hi ku landzelelana.

Leswi swi va yise eka xiyimo xa vunharhu eka tafula ra ligi hi 39 wa tinhla.

Endzhaku ko hlula Orbit College hi 3-1 erivaleni ra mintlangu ra Nelson Mandela Bay.

Endzhaku ka ntlangu, Youssef u bumabumele xipano xa vutshunguri. “Petersen a ri na physio vhiki leri nga hundza naswona u tirhile na vazaberi,” ku vula yena.

“U ta vuya na xipano ku nga ri khale.” Youssef u tlhele a vulavula hi ku vaviseka ka vatlangi eka nguva leyi.

U vule leswaku 80% yi huma eka ku hlangana hi nkarhi wa mintlangu, ku nga ri ku titoloveta.

Chiefs yi langutane na badi hi ku vaviseka ka vatlangi, makhadi yo tshwuka, na phensa phensa leyi nga kona ku katsa na Khapu ya CAF Confederation.

“Kambe hi na xipano lexikulu,” ku engetela Youssef. “Loko mutlangi un’we a nga ri kona, un’wana u tlakuka a endla ntirho.”

Hlaya nakambe:MasterChef ya laha Afrika-Dzonga yi vuyela eka e.tv eku sunguleni ka lembe ra 2026

Vaseketeri va tshemba leswaku Petersen u ta pfuna Chiefs ku ya ehenhla eka mphikizano wa PSL.

Source:http://Idiski Times