Dr Musa Mthombeni a landzula mavarivari ya leswaku u jolela nsati

Dr Musa Mthombeni u vulavurile a lwisana na mavarivari ya le ka inthanete ya leswaku u jolela nsati wa yena, Liesl Laurie-Mthombeni.

Ku hleva loku ku sungule endzhaku ka riendzo rakwe ra sweswinyana ro ya eThailand ni vanghana.

Vatirhisi va social media va vula leswaku a ri na wansati un’wana.

Va tlhele va xiya leswaku varhandzani lava a vaha tipost ngopfu masiku lama eka Internet.

Mthombeni u hatlise a hlamula eka X Twitter. “Aowa Bathong. Mina futhi! I mavunwa wahi ma namuntlha xana?” u tsarile eka social media.

U vule leswaku mahungu lawa i mavunwa naswona u sola vanhu lava hlongorisaka ti likes na mali.

“Nkarhi wun’wana na wun’wana loko ndzi vona nchumu lowu nga na njhekanjhekisano, ndzi kambela blue tick. Loko ndzi swi vona, ndza swi tiva leswaku i ku tweeta hi ndlala,” ku vula yena.

U tsundzuxile vahlekuri: “Siku rin’wana le ‘ALLEGEDLY’ yenu yi ta hela hi ‘PUNITIVE COSTS’.”

Mthombeni u tshikelela leswaku switori leswi nga riki swa rirhandzu ra yena eka nsati wa yena, ntirho, xikolo, ndyangu, kumbe vutomi byo tsakisa i mavunwa. “Angizwani neNhlamulo!” a engetela.

Hlaya nakambe:Vatlangi va nongonoko wa Pimville a va hakeriwanga miholo ya vona

U vula leswaku vukati bya yena byi tiyile naswona u kongomisa ka yena eka ntirho na ndyangu wa yena.

Source:http://FakazaNews