Gayton McKenzie a kaneta swihehlo leswi fambelanaka na xihlawuhlawu

Holobye wa swa mintlangu, Vutshila na Ndhavuko Gayton McKenzie u langutane na ku tlheriseriwa endzhaku.

Hikwalaho ka ku tirhisa ka yena rito ra K- leswi fambelanaka na xihlawuhlawu.

Leri nga tlhela ri humelela eka vhidiyo leyi hanyaka na swiviko swa khale swa swihangalasamahungu swa le ka social media.

McKenzie u hlamule hi ku tiya, a kaneta leswaku u tshame a tirhisa xisandzu lexi hi ku kongoma eka mani na mani naswona u ala swihehlo swa xihlawuhlawu.

U hlamuserile swihehlo leswi tani hi xiphemu xa pfhumba leri hlohloteriwaka hi tipolitiki.

Ngopfungopfu leri fambisiwa hi vandla ra EFF na van’wana va vahlohloteri va swihangalasamahungu swa le ka social media.

McKenzie u pfumerile ku veka ti tweets leti “nga ri na vuxiyaxiya, ta vuphukuphuku na ku vavisa” malembe lama hundzeke.

A tivula khale ka troll loyi a tisolaka hi marito wolawo naswona u vule leswaku u tiyimisele ku tirhisana na vulavisisi byihi na byihi.

Hambiswiritano, u vule leswaku “a nge pfuki a ve na nandzu wa xihlawuhlawu” naswona u kandziyisile ndzhaka ya yena.

Leyi pfanganisiweke na ku lwela vutomi hinkwabyo ku lwela ndzingano exikarhi ka Vantima na Macoloured ya laha Afrika-Dzonga.

U tlhontlhe vaxopaxopi ku humesa vumbhoni lebyi kombisaka leswaku u tirhise rito ra K ku rhuketela mani na mani.

Naswona u kombisile leswaku xihlawuhlawu xi lava muhlaseriwa na xikongomelo lexi nga erivaleni, leswi a vuleke leswaku swa pfumaleka eka nandzu lowu.

Mavandla ya tipolotiki ku katsa na vandla ra EFF, ActionSA.

Na vandla ra African Transformation Movement (ATM) va kombele leswaku ku endliwa vulavisisi na ku susiwa ka yena.

ATM yi nghenise swivilelo swa ximfumo eka Tikomiti ta mahanyelo ya Phuresidente.

Palamende, leti hlamuselaka ririmi leri tanihi leri tekelaka ehansi rixaka na ku onha milawu ya xidemokirasi ya Afrika-Dzonga.

Kambe Komiti ya Mahanyelo ya Palamende yi teke xiboho xo ka yi nga lavisi McKenzie mayelana na ti tweet leti hikuva ti nga si va xirho xa yena ePalamende.

Hlaya nakambe:Vafambisi va Open Chats Podcast va humesa swikombelo swo rivaleriwa

Khomixini ya Timfanelo ta Ximunhu ya Afrika-Dzonga (SAHRC) a yi nga si tivisa magoza endzhaku ka swivilelo leswi nghenisiweke hi ActionSA.

Landzela pheji eka Facebook: https://www.fb.com/l/6lp1kJRRR

Source: SABC Sports