Ghana yi hambana hi tindlela na muzaberi Otto Addo

Ghana yi hambana hi tindlela na muzaberi Otto Addo

Nhlangano wa bolo ya milenge wa Ghana (GFA) wu hlongole muzaberi wa Black Stars Otto Addo.

Ku hlongoriwa loku ka muzaberi loyi ku te hi ku hatlisa naswona ku lo sala tin’hweti timbirhi ntsena ku nga si va na Khapu ya Misava ya FIFA ya 2026.

Ghana yi kume ndhawu ya yona tanihi vahluri va Ntlawa wa I.

Yi hlule swipano swo fana na Madagascar, Mali, Comoros, Central African Republic na Chad.

Kambe xipano lexi xi lwile hi matimba sweswinyana.

Va hluriwile eka mintlangu ya mune ya xinghana hi ku landzelelana: 2-0 eka Japani, 1-0 eka Korea Dzonga, 5-1 eka Austria, na 2-1 eka Germany hi Musumbhunuku.

Ghana yi ta langutana na Mexico na Wales eka mintlangu ya yona yo hetelela.

Kutani, eka Ntlawa wa L, va ta tlanga na Panama, Nghilandhi na Croatia loko Khapu ya Misava yi sungula hi Khotavuxika.

“GFA yi hambanile na muzaberi-nkulu Otto Addo ku sukela hi xihatla,” ku vula GFA eka xitatimende.

Hlaya nakambe:Xana Itumeleng Khune u vuyerile eka xipano xa Kaizer Chiefs

GFA yi nkhensile Addo eka ntirho wa yena naswona yi n’wi navelela mikateko naswona va ta tivisa muzaberi lontshwa ku nga ri khale.

Source:http://Soccer Betting News