Kaizer Chiefs yi va eka xiyimo xa vunharhu hi 51 wa tinhla

Kaizer Chiefs yi hlule xipano xa Sekhukhune United hi 2-0 hi Sonto erivaleni ra mintlangu ra Peter Mokaba.

Vatlangi lava nga ncinciwa Tashreeq Morris na Mfundo Vilakazi va nghenise magoza lawa.

Ku hlula loku ku pfulela Chiefs eka xiyimo xa vunharhu eka Betway Premiership, sweswi va na 51 wa tinhla.

AmaZulu leyi nga eka xiyimo xa vumune yi na 44 wa tinhla naswona a yi nge swi koti ku khoma xipano xa Kaizer Chiefs.

Chiefs yi sungurile hi matimba, yi tumbuluxa minkarhi na Flavio Silva, Pule Mmodi, na Gaston Sirino.

Sekhukhune yi ringetile hi matimba ku tisirhelela, kambe ku hava magoza lama nga nghena eka hafu yo sungula.

Eka hafu yo sungula, Chiefs yi cince Thabiso Monyane loyi a vavisekile yi nghenisa Reeve Frosler yi tlhela yi ncinca Sibongiseni Mthethwa kutani yi hoxa Thabo Cele.

Chiefs yi hlayise vulawuri eka hafu ya vumbirhi. Morris u nghenise goli hi minete ya vu 86 ku suka eka xihambano xa Glody Lilepo.

Kutani, Vilakazi u hundzule penalty ya le ndzhaku endzhaku ka foul eka Lilepo.

Hlaya nakambe:Maphorisa ya khoma swichudeni swinharhu swa le Univen

Muzaberi u bumabumerile ntirho lowu vatlangi lava nga ncinciwa va wu endleke. Sweswi Chiefs yi kongomisa eka mintlangu yo hetelela.

Source:http://The Citizen