Mathikithi ya Soweto Derby ya hetiwa hi ku copeta ka tinhlo

Xipano xa Kaizer Chiefs xi tivise leswaku mathikithi hinkwawo ya ntlangu wa Soweto Derby na Orlando Pirates hi ti 28 February 2026 ya xavisiwile.

Vaseketeri va ma xavile hi ku hatlisa—ku nga si hela siku rin’we ntsena endzhaku ka loko ku xavisiwa ku sungurile hi Musumbhunuku.

Ntlangu wa le FNB Stadium wu tsakisa ngopfu eka nkarhi lowu. Swipano leswi haswimbirhi swi lwela xidlodlo xa PSL.

Orlando Pirates yi rhangela hi 35 wa tinhla. Kaizer Chiefs yi le ka xiyimo xa vunharhu hi 30 wa tinhla.

Chiefs yi vule leswaku xilaveko i xikulu, eka inthanete na le mavhengeleni.

“Vaseketeri va nga langutela ntlangu wo tsakisa,” ku vula xipano lexi.

Chiefs na yona yi endla kahle eka CAF Confederation Cup.

Vakhomi va mathikithi va fanele ku fika ka ha ri na nkarhi eka migingiriko yo tsakisa, vuhungasi, na minkarhi yo kuma masagwadi.

Lava nga riki na mathikithi va fanele va hlalela ekaya ni ndyangu ni vanghana.

Vanhu va tsundzuxiwa leswaku va nga hlengeletani ekusuhi ni xitediyamu leswaku va ta hlayiseka hikuva vusirheleri byi ta va lebyi tiyeke.

Ntlangu lowu wa matimba wu languteriwile ku sungula hi 15:30.