Microphone ya Karaoke yi nyanyula vaaka tiko va Afrika-Dzonga eka TikTok

Vahlohloteri va veka tivhidiyo ta vona va ri karhi va tirhisa microphone leyi dumeke hi siku na siku, vanwani va ri karhi vayimbelela kumbe ku va na mabulo ya ntolovelo ya siku na siku emahlweni ka vanhu na le makaya ya vona.

Tivhidiyo leti ti voniwe hi vanhu vo tlula magidi eka Tiktok naswona swi nyanyula vaaki vale Afrika-Dzonga.

Karaoke yi hambanile na timicrophone ta khale leti lavaka ku hlanganisiwa na tikhebulu kumbe tintambhu.

Leyi yona microphone yi tirhisa Bluetooth, yi hlanganisiwa hi ndlela yo ka yi nga ri na tintambhu eka swipikara, yi lava ti-smartphone na tithebulete, leswi endlaka leswaku swi olova eka vanhu ku famba-famba va ri karhi vayi tirhisa no hungasa.

Microphone leyi dumeke yi kume nkoka lowukulu, laha vahlohloteri lavo tala va yi tirhisaka hambi ku ri eka swiyimo leswi nga tsakisiki, ku fana ni le mathekisi.

Muyimbeleri King Monada a nga swi kotanga ku siyiwa ehandle tani hi leswi na yena a nga nghena eka nyanyulo lowu. Eka vhidiyo, King Monada u voniwe a ri karhi a yimbelela hi microphone hi nkarhi wa swiyenge swa yena swa le studio.