Muchayeri wa bazi eka nghozi ya R21 a humesiwa exibedlhele

SABC News yi vika leswaku MMC wa le Ekurhuleni Roads and Transport, Andile Mngwevu u vula leswaku muchayeri wa bazi loyi a hlanganeke na nghozi eka gondzo ra R21.

Leyi nga herisa vutomi bya vanhu vo ringana 13 u humesiwile exibedlhele.

Vanwana lava poneke eka nghozi leyi va vula leswaku muchayeri a chayela hi rivilo lerikulu loko mhangu yi humelela.

Vulavisisi byo sungula byi vula leswaku u lahlekeriwe hi vulawuri bya bazi loko a ri karhi a ringeta ku palalata mhangu ya ku tlumbana ni movha lowu awuri emahlweni ka bazi.

Mngwevu u ri “Ndzi tivisiwile sweswi leswaku muchayeri u heta ku humesiwa exibedlhele kutani hi ta tlhela hi tirhisa maendlelo ya hina”.

“Hi tlhela hi langutela leswaku ntlawa wa valavisisi lava tinyiketeleke ku suka eka RTMC na maphorisa va tlhela va endla ntirho wa vona leswaku hi ta kuma xitatimende lexi heleleke eka leswi humeleleke” .

“Muchayeri na yena i munhu wa nyama, u humelele hi mhangu nakambe hi nwi nyiketa nkarhi wo wisa eka xiyimo lexi a hlanganeke na xona”.

Translator : Mapula Glashy Makoto