Xitsundzuxo eka vanhu lava holaku mali ya Social Grant

Va amukeri va Social Grant va tsundzuxiwile leswaku makhadi ya xitshopani ya SASSA ya ta yima ku tirha endzhaku ka siku ro hetelela ra ti 20 ta Nyenyankulu 2025.

Vanhu va nyikiwile nkarhi wo ncinca makhadi ya SASSA vhiki leri ku ya fika hi Ravumune.

Va tlhela va tivisiwa leswaku va nga kota ku ncincela eka makhadi yantshwa ya Postbank ya ntima.

Mufambisinkulu wa Postbank, Nikki Mbengashe u vula leswaku va ta ya emahlweni va humesa khadi lerintshwa ra ntima endzhaku ka siku ro hetelela.

Mbengashe u vula leswaku va ta engetela nhlayo ya tindhawu to tsarisa, ku tlula tindhawu leti va ti tirhisaka sweswi ta 320 etikweni hinkwaru.

Vatirhela mfumo va SASSA swinwe na Mbengashe va hlamuserile va teki va mahungu epitori.

“Ti 20 ta Nyenyankulu ti vula nchumu wunwe ntsena, leswaku khadi ra SASSA a ri nge he tirhi. Nambara ya account a yi nge ncinci, muholo wu ta ya emahlweni wu nghena eka account ya le bank”.

Translator : Mapula Glashy Makoto