Namutlha i siku ro hetelela ro tsarisa mabindzu

SABC News yi vikile leswaku Holobye wa Co-operative, Governance and Traditional Affairs, Velenkosini Hlabisa u vula leswaku siku ro hetelela ro tsarisa tindhawu to khoma swakudya ku katsa na tiSpaza, tiTuck shops a ri nge engeteleriwi.

Namutlha i siku ro hetelela ro tsarisa mabindzu, President Cyril Ramaphosa a a lerisile ku tsarisiwa ka mabindzu hi Hukuri lembe leri nga hela loko a a hlamula eka timhaka ta vuhlayiseki bya swakudya.

Leswi swi landzerile hi milandzu leyi fambelanaka na chefu ya swakudya laha kwalomu ka 20 wa vana va nga hindza emisaveni. Hi N’wendzamhala hi ti 18, Ramaphosa u engetelerile masiku yo tsarisa ku fikela namutlha ku nga ti 28 Nyenyenyani 2025.

Hlabisa loyi a endzeleke Senthara yo tsarisa ya le Tshwane ePirori tolo u rungulele vanhu va mabindzu mhaka leyi. “A ku nge vi na ku engeteriwa, a hi nge endli xitsundzuxo eka President. Vanhu va nyikiwile nkarhi wo ringanela leswaku va tsarisa mabindzu ya vona ku sukela hi December”

Translator : Mapula Glashy Makoto