Ndzawulo ya Rihanyo yi sirhelela tender ya R15.5bn ya mirhi ya HIV

Ndzawulo ya Rihanyo yi le ku lweni ku sirhelela tender ya R15.5 billion ya mirhi ya HIV.

Ndzawulo yi byele Pretoria High Court leswaku endlelo ra tender a ri ri ra vululami.

Nkampani ya mirhi Cipla yi yile ehubyeni yi lava leswaku tender yi herisiwa.

Cipla yi sola ndzawulo hi ku tsandzeka ku languta vuhumelerisi bya mirhi laha tikweni.

Yi tlhela yi vula leswaku swihoxo swi endleke loko ku avelana tikhontiraka.

Tender leyi yi katsa mirhi ya tenofovir, lamivudine na dolutegravir, leyi tirhisiwaka hi vanhu vo tala lava hanyaka na HIV.

Khontiraka ya tipakiti ta n’hweti yi na nkoka wa R7.25 billion.

Khontiraka ya tipakiti ta tin’hweti tinharhu yi na nkoka wa R5.38 billion.

Ndzawulo yi vula leswaku minxavo ya Cipla a yi tlakukile loko yi pimanisiwa na vahumelerisi lava hlawulekiweke.

Yi tlhela yi vula leswaku Cipla yi nyikiwile nkarhi wo hunguta minxavo ya yona.

Mhaka leyi yi languteriwe ku tengiwa hi September.