Premier u vilela hi mintsumbu ya maphorisa

Premier wa Free State MaQueen Letsoha-Mathae u vula leswaku i siku ro vava eka xifundzhankulu.

Endzhaku ka ku tiyisisiwa leswaku mintsumbu yinharhu eka ya ntlhanu leyi kumiweke.

Nambyeni wa Hennops eCenturion, i ya maphorisa lama lahlekeke.

Maphorisa lawa ya humaka eFree State ya lahlekile vhiki leri nga hundza loko va ri karhi va suka eBloemfontein va ya eLimpopo.

Movha lowu a va famba hi wona wu hetelele ku voniwa eka khamera eBrakfontein Interchange eka N1 leyi a yi chayela en’walungwini.

Leswi endle leswaku maphorisa ya secha Nambu wa Hennops.

Letsoha-Mathae u vula leswaku va na ntshembo wa leswaku maphorisa ya ta kuma xivangelo xa mafu ya vona.

“Kambe leswi hi nga ha ku swi twaka hakunene swa vavisa, swi twisa ku vava eka xifundzhankulu”.

“Swi twisa ku vava eka mfumo wa xifundzha xa ntshuxeko, vanhu lava ku ri vantshwa ni vumundzuku bya vona a byi ri kahle”

“Hikuva ku rhumeriwa ka vona, loko u landzelela swiyimo swa vona, tiphotifoliyo ta vona.”

“Sweswo i tiphotifoliyo ta vanhu vo vangama,” ku vula Letsoha-Mathae”.

“Tanihi mfumo wa Free State hakunene hi lahlekeriwile hi vantshwa lava avari ni vumundzuku byo vangama”.

“Hikuva va hlawurile phurofexini leyi va swi tiva kahle swi na khombo”.

“Kambe va tinyiketerile naswona va vule leswaku hi ta tirhela vanhu va Free State,” wa engetela.

Source -SABC News