PUTCO yi humesa mabazi yo tlula 500 ku ya eMoria

Khamphani ya mabazi ya Putco yi vula leswaku yi ta tirhisa ku tlula 500 wa mabazi.

Ku fambisa vakereki va ZCC ku ya eMoria ehandle ka Polokwane eLimpopo eka nhlengeletano ya Paseka.

Magidi ya vafambi, ku katsa na vakereki, va languteriwa ku chayela hi le Polokwane loko va kongoma eka tindhawu to hambana-hambana.

Meyara wa Polokwane John Mpe u vula leswaku va ta rhumela vatirhela mfumo va le magondzweni ya masipala.

Ku tirhana na tivholumo ta le henhla leti languteriweke, ngopfu ngopfu eka R71 exikarhi ka Polokwane na Moria.

“Hi ta va hi rhumela vatirhela-mfumo va hina va le magondzweni, hi ta tlhela hi tirhisa maphorisa ya hina ya masipala”.

“Tsundzuka leswaku hi tirha endzeni ka tipharamitha ta Joint Operation Center, leyi nga ta va yi ri eku fambeni hi ku helela laha hi nga ta tlhela hi fikelela leswi languteriweke tanihi doroba leri amukelaka vaendzi”.

“Vatimeri va ndzilo na vona vatava vari kona endhawini, a va nge tirhi etihofisini ta vona, va ta va va ri endhawini ya Moria.”

Source -SABC News