Thuli a tlhelela eka Generations:The Legacy

Vateki va swifaniso swa Morula na SABC1 va amukela Thuli Phongolo eka xitori xa Generations The Legacy lexi tlangaka eka SABC1, loyi a tlanga xiphemu xa Namhla Diale.

Namhla u na vutianakanyi, u tlharihile, a ri na mano, naswona a tiyimela hi matimba. Namhla a ri na vuxaka lebyi hlangananeke na vatswari va yena, Lucy Diale na Jack Mabaso.

U rhanda Lucy swinene kambe vuxaka bya vona a byi tshama byi ri byo tika swinene.

Hi hala tlhelo, Jack u lava ku lunghisa Namhla leswaku a ta kota kuva kona evutonwini bya yena, kambe Namhla a nga switsakeli.

Loko Namhla a vuya, a nge hevi nwana luya a ri yena nkarhi lowu nga hundza. Nkarhi wa yena wo hanya no tirha ehandle ka tiko wu n’wi cincile.

U hundzukile, a tlhela a titshemba eka vutshila bya yena na vuswikoti bya yena, naswona u navela vutomi bya le henhla.

Vutomi lebyi a ehleketaka leswaku Jack a nga n’wi nyika byona. Xana vutomi bya Jack lebyi nga ni khombo byi nge tikiseli ngopfu Namhla?

“Ku tlhelela eka Generations: The Legacy swi fana no vuyela ekaya. Ndzi tsakile ku tlhela ndzi tihlanganisa na vatlangi, vatirhi na vaseketeri na ku tisa matimba lamantshwa eka riendzo ra ximunhuhatwa xa mina,” Thuli u vurile.

Thuli u ta voniwa eka xikirini nakambe ku sukela hi Ravuntlhanu hiti 25 ta Dzivamisoko.

Hi nkarhi lowu fanaka, Six Nyamane, loyi a tlangeke xiphemu xa Nozipho Cele-Moroka, u xavise nongonoko lowu. Ntirho wa yena wo hetelela eka nongonoko lowu wu ta va hi ti 24 ta Dzivamisoko.

Source -TshisaLIVE
Translator – Mapula Glashy Makoto