Tyla a hlundzukisa maNigeria a wina Grammy nakambe

Xiyimbeleri xa ndhuma xa laha Afrika-Dzonga Tyla u hlurile sagwadi.

Ra Best African Music Performance eka masagwadi ya Grammy ya vu 68 hi Sonto na vusiku.

Risimu ra yena leri dumeke ra “Push 2 Start” ri hlule vahlawuriwa vo huma eNigeria, ku katsa na Davido, Omah Lay, Ayra Starr, Wizkid, na Burna Boy.

Tyla wa malembe ya 24 hi vukhale sweswi i muwini wa Grammy kambirhi.

Risimu ra yena ri dume swinene emisaveni hinkwayo, leswi n’wi pfuneke ku hlula.

Vaseketeri vo tala va tlangele eka Inthanete, kambe vanhu van’wana va le Nigeria va hlundzukile.

Va vula leswaku Davido kumbe van’wana a va swi fanela ngopfu hikwalaho ka mintirho ya vona yo leha na nkucetelo lowukulu eka vuyimbeleri bya le Afrika.

Munhu un’wana eka X (Twitter) u tsarile aku: “Davido a a faneriwa hi leswi. Tyla i nkulu, kambe Davido u na ndzhaka yo tala.”

Un’wana u te: “Davido u rhobiwile. Ti Grammy a ti na mhaka.”

Hlaya nakambe:Winnie Mashaba a xaveriwa movha ya Mercedes-Benz

Ku hlula ka Tyla ku pfuxe minjheka-njhekisano leyikulu eka social media mayelana na masagwadi ya vuyimbeleri bya Afrika.

Source:http://FakazaNews