Nandzu wa muyimbeleri Shebeshxt wu ya emahlweni

Muyimbeleri wa laha Afrika-Dzonga Shebeshxt, loyi hi vito ra xiviri a nga Lehlogonolo Chauke.

U tshama a ri ekhotsweni ra maphorisa loko a rindzele ku ya emahlweni ka nandzu wa yena.

Wa beyili lowu a wu hleriwile hi ti 08 ta N’wendzhamhala 2025.

Leswi swi landzela mhangu yo duvuriwa ePolokwane laha muhlaseriwa a nga heta masiku ya mune a ri eka Coma naswona wa ha ri exibedlhele.

Kuya hi vumbhoni ekhoto ya majistarata ya Polokwane hi phorisa ra vulavisisi W/O Phaladi Makola wa maphorisa ya Limpopo.

Ku hehliwa leswaku Shebeshxt u duvule vanhu vambirhi lava a va ringeta ku n’wi xeweta.

Xibamu lexi xi tlhave fasitere ra le ndzhaku ra movha, xi vavisa mukhandziyi exifuveni.

Ku duvuriwa loku ku humelerile hi ti 19 ta Nhlangula 2025, naswona vulavisisi byi tiyisisile leswaku Shebeshxt a nga na layisense ya swibamu.

Loko a langutane na swihehlo swa nkaye ku katsa na ku ringeta ku dlaya, ku va na xibamu lexi nga riki na layisense.

Na ku hlasela, gqweta ra Shebeshxt ri vule leswaku a nga na nxungeto eka vaaki.

Ri kandziyisa xiave xa yena tanihi muphakeri wo sungula eka ndyangu wa yena, na ku tiyimisela ka yena ku landzelela swiletelo swa khoto.

Hambi leswi vamangaleri van’wana va hoxeke endzhaku switatimende swa vona.

Mfumo wu ya emahlweni wu kaneta beyili, wu hlayisa Shebeshxt ekhotsweni loko nandzu wu ri karhi wu ya emahlweni.