Vaaki vale Maja-Chuene va lava ku lungiseriwa patu

SABC News yi vika leswaku vaaki vale Maja-Chuene, ehandle ka Polokwane eLimpopo va kombisa ku vilela himhaka patu ra ‘Gravel’, leri va yisaka edorobeni.

Vachayeri va mathekisi va vula leswaku mhaka ya patu leri ra ‘Gravel’ a yi tekeriwi enhlokweni eka mfumo. Swivilelo swa vona swita hi leswi holobyenkulu wa Limpopo Dr. Phophi Ramathuba a nga ta nyika mbulavulo wa yena wo sungula wa State Of The Province (SOPA) namutlha.

Mutshami unwana u ri “hi lava leswaku holobyenkulu a langutisa mhaka leyi a tlhela a kuma tindlela leti nga antswisaku patu leri. A hi nge chayeli eka gondzo leri hi ya edorobeni hikuva timpfula ti onhile mati ya tele swinene” .

“A ku na patu ra kahle leri hinga kotaka kuri tirhisa hiya edorobeni ePolokwane, Gondzo leri ri akiwile kambe ri nga hetiwi naswona i tlhontlho wukulu eka muganga wa hina”.

Gondzo ri onhakile swinene naswona Vachayeri va mathekisi va vula leswaku mhaka leyi ya gondzo leri yi khumba bindzu ra vona, va ni ku tshemba leswaku loko Premier a vulavula namuntlha u ta khumba mhaka leyi.

Translator :Mapula Glashy Makoto