Vanhu va hakerisiwa mali ya mapapila ya switsundzuxo

SABC News yi vika leswaku vinyi van’wana va tindhawu to xavisa swakudya ku katsa na mavhengele ya Spaza eka masipala wa Makhado eLouis Trichardt, Limpopo, va vula leswaku va tsandzekile ku tsarisa mabindzu ya vona.

Va vula leswaku leswi swi vangiwa hikuva varhangeri va tiko va va hakerisa mali ya mapapila ya switsundzuxo. Siku ro hetelela ro tsarisa mabindzu lawa a ku ri hi Ravuntlhanu lowu hundzeke.

N’wini wa xitolo xa Spaza David Musiame u vula leswaku a nga swi kotanga ku hakela mali ya kona.

“A ndzi koti ku hanya kahle eka nhlayo leyi vhengele ra mina ra Spaza ri yi endlaka siku na R8000 leyi murhangeri wa tiko a yi lavaka – a ndzi nge swi koti ku swi fikelela naswona a ndzi endli hambi ku ri sweswo hi n’hweti elembeni.”
Vurhangeri bya tiko a byisi vulavula hi xihehlo lexi.

Translator :Mapula Glashy Makoto