Van’wamapurasi va hlaseriwa hi ndhambi eLimpopo

SABC News yi vikile leswaku varimi va le Stockpoort na Thabazimbi exifundzheni xa Limpopo va sale va nga ha tivi leswaku vata endla yini endzhaku ka loko mapurasi ya vona yo tala ya khukhuriwile naswona swibyariwa swa vona swi tele mati.

Stockpoort Border Post yi pfariwile endzhaku ka loko ndhambi yi khukhurile, Game Lodge yale kusuhi na Stockpoort Border Post na yona yi tele mati. N’wini-kulobye wa Lodge, Willem Du Toit, u vula leswaku va ta kambela laha ku onhakeke loko mati ya hunguteka.

“Kwalomu ka 60% wa ndhawu ya vutshamo a yi ri ehansi ka mati, vunyingi bya tindlela ti hundzuke ndzhope. Kutani, swa tika ku famba-famba lava tirhaka ku basisa va tirha hi ku nonoka swinene, swi nga ha endleka hi nga swi koti ku kumisisa laha ku onhakeke ku ringana mavhiki. Nkateko wa kona, a nga kona loyi a vavisekeke kumbe ku nwela.”

Ekarhini lowu, Holobye wa Vurimi, John Steenhuisen, u vule khale leswaku ku fanele ku vekiwa magoza yo pfuna van’wamapurasi lava khumbekaka endhawini leyi. Steenhuisen u komberile Ndzawulo ya Vurimi ya Limpopo ku tivisa xiyimo xa khombo leri.

Translator : Mapula Glashy Makoto