VW Polo ya DJ Stu leyi a yi yiviwile yi kumiwa eSoweto

DJ na mufambisi wa titalenta loyi a tshamaka eJoni Tsholofelo “Stu” Ntuli u kumile ku ntshunxeka lokukulu.

Endzhaku ka loko VW Polo TSI ya yena leyi yiviweke yi kumiwile endzhaku ka tiawara nyana loko yi tava yi yiviwile.

Movha lowu wu tekiwile hi Ravuntlhanu na vusiku ehandle ka nightclub eMarshalltown endzhakunyana ka loko Stu a hetile sete ya yena ya DJ.

Vayivi a va yivanga movha ntsena kambe va tlhele va teka swilo swa nkoka ku katsa na iPhone 15 Pro.

Laptop ya MacBook, nkwama wa yena, wachi leyi durhaka R15,000, na swiambalo leswi aswiri ebutini.

Nkateko wa kona, movha lowu awu hlomisiwile hi tracking system leswinga endla leswaku maphorisa ya ya eka ndzhawu leyi awuri eka wona ekusuhi na Maponya Mall eSoweto.

Movha wu kumiwile wu susiwile swiphemu swin’wana swo fana na bumper na mavoni ya le mahlweni.

Hambi leswi ku nga lahlekeriwa, Stu u kombisile ku tlangela leswaku a ku na munhu loyi a vavisekeke.

Naswona u komberile vanhu ku tshama va xalamukile loko haha nghena eka nguva ya tiholideyi.

U te: “Swilo swa nkoka swi nga siviwa, vutomi a byi nge siviwi.”

Hlaya nakambe:DJ Chymamusique a khensa Xikwembu endzhaku ko pona ka mhangu ya movha

Mhangu leyi yi kombisa nkoka wa ku landzelerisa mimovha eku vuyiseni ka nhundzu leyi yiviweke hi ku hatlisa.

Source:http://FakazaNews