Xibedlhele xa private xi ta akiwa eGiyani xitlhela xi pfuriwa hi 2026

Ku humelerile mahungu yo tsakisa eka vaaki va Giyani, tani hi leswi xibedlhele xa private xi nga ta akiwa edorobeni ra Giyani.

Hi ku ya hi swihlovo leswi tshembekaka, xibedlhele lexi xi ta akiwa, naswona xita langutana na Masingita Mall leyi.

Leswi nga ta tisa ku tlakuka lokukulu eka switirhisiwa swa nhlayiso wa rihanyo swa laha kaya.

Xibedlhele xa private xi languteriwa ku va xiherile ku akiwa hi Nwendzhamhala 2026.

Laha ndhawu leyi yi vekiweke ku sungula ku tirha ku sukela hi siku rero.

Nhluvukiso lowu wu languteriwile ku ndlandlamuxa vukorhokeri bya nhlayiso wa rihanyo eka ndhawu leyi, ku nyika vaaki mfikelelo eka vukorhokeri bya swa vutshunguri bya xiyimo xa le henhla.

Ku akiwa ka xibedlhele xa private a ku languteriwanga ntsena ku antswisa mimbuyelo ya nhlayiso wa rihanyo kambe na ku va na nkucetelo lowunene eka ikhonomi ya laha kaya.

• Hlaya nakambe:Muyimbeleri wa ndhuma Ami faku anga hakeriwanga mali

Phurojeke leyi yi nga ha tumbuluxa mintirho, hi nkarhi lowu xi ngata tava xiri ku akiweni na nkarhi lowu xibedlhele xi nga ta sungula ku tirha.

Source: Giyani news view