Xidzedze xi onha eMontana hi Ravumbirhi nivusiku

Xidzedze xi khukhula eMontana, eN’walungu wa Pitori hi Ravumbirhi nivusiku, xi onhile mimovha ni miako yotala.

Ndzawulo ya Emergency Services ya doroba ra Tshwane yi vule leswaku miako yo hlaya eka tindhawu ta le xitarateni xa Veda kusuhi na xitarata xa Enkeldoorn yi onhakile swinene.

Muvulavuleri wa EMS Lindsay Zwelithini Mnguni u vule leswaku ‘mati ya nghene endzeni ka miako leyi onhakeke ya onhela lava tshamaku henhla atifuleteni leti’ , a vula leswaku vaaki va rhurhisiwile swa xinkarhana.

“Vatirhela mfumo va hina va vulawuri bya timhangu a va ri endhawini ya mhangu va endla swikambelo swa ku onhaka na ku kumisisa ndlela leyi va nga pfunaka mindyangu leyi khumbekaka ha yona”.

Kambe ku vikiwile leswaku akuna munhu ni unwe langa vaviseka eka mhangu leyi ya xidzedze.

Mapula Glashy Makoto