Xitsongwa-tsongwana xa Nipah xi hlasela vanhu eIndia

Xitsongwa-tsongwana lexi nga ni khombo lexi vuriwaka Nipah xi tlhele xi humelela nakambe eIndia.

Vanhu vambirhi exifundzheninkulu xa West Bengal va vabya, kambe vatirhela-mfumo va rihanyo va vula leswaku va swi yimise hi ku hatlisa.

A nga kona un’wana loyi a nga ekhombyeni eka nkarhi wa sweswi handleni ka vona.

Nipah yihuma eka ti fruit bats naswona yinga hangalaka kusuka eka swiharhi kuya eka vanhu.

Xi nga tlhela xi tlulela vanhu lava nga ekusuhi na le kusuhi.

Nhlangano wa rihanyo wa misava wu vula leswaku a ku na murhi wo tshungula kumbe murhi wo horisa.

Xi dlaya 40% kuya eka 75% wa vanhu lava vabyaka swinene.

Swikombiso swa xona swi sungula ku fana ni mukhuhlwana wo biha: ku hisa ka miri, ku pandza ka nhloko ni ku khohlola.

Swi nga hatla swi vavisa byongo ivi swi vanga rifu, xitsongwatsongwana lexi xi hlasele ro sungula hi 1998 eMalaysia, xi dlaye vanhu vo tlula 100.

Xi tlhele xi vuya na sweswi eAsia, matiko ya le kusuhi yo fana na Thailand, Nepal, na Taiwan ya kambela vafambi lava humaka eIndia hi vukheta.

Ku fana na leswi ava swi endlisa swona hi nkarhi wa COVID-19.

Eka swihangalasa-mahungu, vanhu van’wana va kombisile ku chava hikuva xa dlaya swinene.

Van’wana va vula leswaku vanhu va fanele ku nga vileli hixona hikuva vuvabyi lebyi byile ku lawuriweni.

Leswi swi kombisa hilaha mahungu ya rihanyo ya ha karhataka misava hinkwayo endzhaku ka COVID.