Xitsundzuxo xa mpfula eGiyani

SAWS yi tsundzuxa vaaki va le Giyani hi timpfula leti taha taka, lunghekani loko ka hata timpfula ta matimba, Hi ku ya hi vatirhi va maxelo ya sweswinyana, ku vuriwa leswaku mpfula yita na endhawini leyi, masiku yo hlaya nyana ku sukisela hi Ravumbirhi nimadyambu ku ya emahlweni ku fikela hi Ravuntlhanu.

Vukorhokeri bya Maxelo bya Afrika-Dzonga byi vhumbhe leswaku ku na 60% ya mpfula eka nkarhi lowu, leswi kombisaka leswaku mpfula yinga hana swinene. Endlelo leri ra maxelo ri languteriwe ku tisa mpfuneto lowu lavekaka swinene eka ndzhawu leyi a yi ri karhi yi hlangana na maxelo yo hisa eka mavhiki ya lama nga hundza.

Vaaki va tsundzuxiwa ku va va lunghekela ku kavanyeteka loku nga vaka kona loku vangiweke hi mpfula, ku katsa na magondzo lama nga tala hi mati na ku hunguteka ka ku vonakala. Vachayeri va mimovha va tsundzuxiwa ku va na vuxiyaxiya lebyi engetelekeke loko va ri karhi va chayela, naswona vafambi va tsundzuxiwa ku tirhisa tiumbrella na swiambalo swo sivela mpfula.

Mpfula yi languteriwa ku sungula hi Ravumbirhi nimadyambu, laha mpfula yo tala yi vhumbhiweke hi Ravunharhu na Ravumune. Hi Ravuntlhanu ku languteriwa ku na ka mpfula kambe switsongo nyana, laha mpfula yi nga ta yima hakatsongo-tsongo hi mahelo ya vhiki.

Translator :Mapula Glashy Makoto