CLINTON LARSEN U TSHIKILE NTIRHO WA YENA EKA MAGESI FC.

Muleteri wa xipano xa Magesi FC, Clinton Larsen u tshikile ntirho wa yena tani hi muleteri endzhaku ka loko xipano xa yena xi bukuteriwa 3-0 hi Carling All Stars hi muqhivela e Orlando Stadium. Mhaka leyi yi vile xihlamariso endzhaku ka loko xipano lexi xi nga endla matimu hi ku wina Carling Black Label Cup xa ha ku sungula ku nghenela mphikizano lowu. Eka ntlangu wo hetelela, xipano lexi xi bukuterile Mamelodi Sundowns hi 2-1. Larsen u byerile SABC Sport a ku “Lowu i ntlangu wa mina wo hetelela ni ri muleteri wa xipano, ndzi navelela xipano leswinene endzhaku kova neleteri malembe mambirhi naswona ndzi pfuna xipano ku tlakusiwa xikan’we na ku wina xidlodlo”

“Wolowo i minkarhi yimbirhi leyi ndzi tinyungubyisaka swinene ha yona. Ndzi navelela xipano hinkwaswo leswinene ku ya emahlweni. Ndzi khensa mutshamaxitulu ku va a ndzi nyike nkarhi wo rhangela xipano lexi.”