Makgopa na Mbatha va vuyela eku tlangeni endzhaku ko vaviseka

Muzaberi wa Orlando Pirates Abdeslam Ouaddou u hi khomele mahungu yo tsakisa emahlweni ka ntlangu wa Soweto Derby.

Vatlangi va nkoka vofana na Evidence Makgopa na Thalente Mbatha va ringanerile kahle nakambe naswona va lunghekele ku tlanga.

Makgopa, loyi a nga nghenisa magoza manharhu na ku pfuneta kanharhu eka 14 wa mintlangu ya Betway Premiership eka nguva leyi.

A nga ha tlangi eka mavhiki mambirhi yo hetelela hikwalaho ka ku vaviseka.

U tshamile ehandle loko xipano xi hluriwa hi Mamelodi Sundowns eka ligi na Casric Stars eka Khapu ya Nedbank.

Mbatha a a nga ri kona eka mintlangu ya mune kambe sweswi u le ku titoloveteleni hi ku helela.

“Hi tsakile swinene ku va hi amukela Makgopa nakambe. U titwa a horile naswona u ta joyina ntlawa wa xipano” ku vula Ouaddou eka The Citizen.

“Mbatha na yena u vuyile, a vavisekile, kambe sweswi u na hina.” Muzaberi u lava leswaku xipano xa yena xi tshama xi rhulile.

“Mintlangu leyi tisa swivavi swa le ndzeni kambe u nga yi pfumeleli leswaku swi ku lawula”.

“Tiphine hi nkarhi lowu, nyikela leswi u nga swi kotaka, naswona u tlanga pulani ya hina ya ntlangu,” ku vula yena.

Vatlangi lava havambirhi va nga sungula ku tlanga eFNB Stadium vhiki reri.